شخابيط إلى بيت القرين

غرق السوق والناس ناطره من إلعام
قـالـوا لازم نطفـحـه من المـــال العام
والخير راح يهـل على البشر والأنعام

على بالهم ما نفهم ولاقـينا مقصّه
عارفين سوالفكم لـكن بالفم غصّه
تبون تحوسونا وكل يوم لكم قصّه

من طـلع من الخـاص حـولـوه للـعـام

وسلامتكم

بيت القرين - قولوا رأيكم
http://beit-elgrain.blogspot.com/2009/08/blog-post_19.html

شخابيط إلى طاخ طيخ (مطقوق)

ركضة ورا الفلوس والكل عقله طار
لا علم ولا دروس تعلموا طـق الطار
وين عـزة النفس ووين نيـل الأوطار

إتعـب على التربيـة لا تقــول بعـدها ليت
الرجل عـلم ومخابر حتى لو ركب وانيت
والحـكمة خـلها ضـالتك دور عليها بليت

ترى من باق ربية نفس من باق قنطار

طاخ طيخ (مطقوق) - بين الفصل والواقع

http://www.ma6goog.com/2009/08/blog-post_13.html

شخابيط إلى الحلم الجميل (إدراك)

Thursday, August 7, 2009

الحلم الجميل (إدراك) - هكذا سيصبح حالكم يا "كويتة" ان لزمتم الصمت

سلامي للأحرار ولكل من سـلّم وحيّا
الله ينظف ديرتنا من كل عقرب وحيّه
ديروا بالكم عليها وخلّوا قلوبكم حيّه

الحرية مثل الشمس حواليها لف ودور
من سبح بعيد عنها راح يغرق بدردور
إتعب عليها لا ياخذونها بسيف وجدور

يعطونك حلو الكلام ويدسّولك سم حيّه

http://7ilm.blogspot.com/2009/08/blog-post_3360.html

شخابيط إلى حياتي هدف مو عبث - وفريج سعود

Sunday, August 2, 2009

حياتي هدف مو عبث - يستيقظ الألم مع كل ذكرى

فريج سـعود - ولك رسالة إلك

حقد على ديرتنا مادري علينا شفيه
غـزا بلدنا وشـرد كل من يعيش فيه
ما لكم إلا تدعون له لين الله يشـفيه

تبونا نعفـو ونصفح وبعـد تبونا ننسى
سووا أرضنا الطاهره بأنجاسهم دنسه
بعد فعـايلهم كلـها منهـو الــذي ينـسى

النذل مهما عطاه الكريم لا بد يحش فيه

http://laatifaah.blogspot.com/2009/08/blog-post.html

http://freejsaud.blogspot.com/2009/08/blog-post.html

شخابيط إلى حسافتج يا كويت (مبيوق)

July 25, 2009
حسافتج ياكويت (مبيوق) - أبيض وأسود
ياحلو ذيك الأيـــام ذكّـرتنا بزمن الأول
كــان بلدنا متقـدم وعلـى الخليج الأول
كلامنا مسـمار بلوح ما له مجال يتأول

إلحين كل من يتلون ويدور على اللي يفيده
ما همّـته الـكويت هـمّــه يـزيـد اللــي فــيده (1)
لا تفقــد الأمــل وتقــول : غطــيني ياتفـيده (2)

خــلـك أبيض وأسود إرجع مثل الأول

(1) في يده
(2) يا تفيده = المثل الأصلي يا صفيه
http://mbyoog.blogspot.com/2009/07/blog-post_25.html

شخابيط إلى الرأي الحـر

July 3rd, 2009

الرأي الحر - فشل استجواب مسلم البراك المطيري و انتصار أبناء الكويت

ضعنا بالطوشه والشعب صار مقسوم
الكل يبي ياخـذ وما يرضـى بالمقسوم
وين حفظكم لها ما بين حـلف وقسوم

للشهره وللفلوس و بالمليان والفاضي
الكل متمسـك برايه ومحـد فيهم راضي
مشـاكلكم حـلوها دام هنـاك فـي قـاضي

ما لكم إلا كويتـكم حبــكم لــها مقسوم

http://raihur.com/?p=169

شخابيط إلى شقران

June 28, 2009

شقران - أهذا وزيركم الذي تدافعون عنه؟

الـكل غنى على ليلاه والـكل لـف ودار
وإذا بالحق واجهته عطاك ظهره ودار
ليما المواطـن ضـاع إفـتر راسـه ودار

ســويتونا حـضر وبـدو وشيعه وسنه
نبي نعرف المال حفظه فرض أو سنه
يقـول لنا هذا رأيـه ومسـتعد إيلاسـنه

رجعوها لنا وغنوا يادارنا يادار

http://www.youtube.com/watch?v=y7n6Tr5kIr4

http://shagranq8.blogspot.com/2009/06/blog-post_28.html